香港故事:《靘女創業故事》—杜葉錫恩與慕光

 

20151209811r

成報圖片

感謝經濟日報Topick 轉載: http://topick.hket.com/article/1067085/?r=mcsdfb

 

今天講一個靚女創業的故事

在1954年,香港擺脫蘿蔔頭統治接近10年,不少人由骷髏兵咁瘦,變返一個正常人。身體雖然無說不,但思想卻很誠實,仲停留係樹根階段。當時有一個靚女,住在一個叫「啟德新村」 的地方,大概是今日黃大仙東頭村附近一帶。她發現,「啟德新村」附近全部都是木屋,木屋住的都是樹根之流的人,心諗「出事啦」,如果比樹根有下一代,未來社會只會變到烏虛子有。於是,這個靚女找來一個靚仔,唔安安穩穩打份工,反而搞搞震玩創業,開學校!

做生意,最緊要有市場,佳佳甜品在今日比人加租1倍,唔算慘情,因為有名氣一定做得住。不過在50年代教書,其實幾慘情,因為當時社會玩開輕工業 ,生活就是做唔愛做的事情,最好奴隸咁做,所以做教育當然唔會有任何Funding。無錢情況下,靚女當時就在屋企附近的馬路,搭左一個軍用帳篷,美其名「中學」,在大帳篷下搞中學。

如果在今時今日,在馬路起帳篷,慈愛的母親肯定利用手臂延伸,撫摸你的嬌軀,或者屈你個帳篷收藏危險物品,總之就拆拆拆。本來靚女都以為自己無學生,未開校先殺校,點知她的學校竟然有30個學生!原因很簡單,靚女玩「零團費」,學生唔洗錢有書讀,於是唔洗影子團友,個個搏命狗衝,唔讀書都黎睇女。

事實上,這間「學校」除了靚女之外,還有三個人落搭,其中一個就是姓杜的靚仔。這個杜生就厲害,一黎就做校長!(是的,30個學生都要校長),在編制上,而且同今日教書佬一樣,「專科專教」?發花顛的!一定要兼教,靚仔就兼教中文、中史及音樂。至於靚女就教英文、數學及體育,兼任校監(是的,30個學生都要有校長校監之分)。其餘還有兩個職員,一個做總務,一個做清潔同負責人手打「冷鐘」。

教過書就知,兼教好鬼慘,唔識要扮識,備課備到傻。不過靚女真的人生勝利者,她本身揸住本BC,唔洗比返本BB相的BNO返英國續期,自己本身又是家長流晒口水的Native Speaker,更在英國讀過教育,屈機到一早識埋中文,結果班學生唔洗狂操學生TSA,英文水平相當好。

這個靚女文又得,武又得,又係體育高手,專玩棒球,不時帶學生做運動,兼顧到學生身心發展。一到體育堂,就帶學生去獅子山下。當時獅子山下有一個草坪,專是比人練習射擊,當無人練習射擊時候,靚女就帶着一批學生,正式啟動佔領草坪運動,在草坪上體育堂。

劇情如果咁一帆風順,就無人鍾意睇的,畢竟香港人鍾意睇人仆街架嘛。靚女的中學只是一個帳篷,結果夏天熱到入微波爐咁,冬天就凍到好似入雪櫃。大風大雨就更加慘,學生就好似敗報一樣,臨時清盤,立即收埋帳篷。到雨過天清之後,就一起舉傘,打開帳篷繼續開業。曾經有一次大雨,竟然沖走靚女其中一個學生,由黃大仙沖到去九龍城,真係Slide in the city,最後個學生就咩事都無,可能個學生根本識游水。

這間「中學」捱左一年之後,終於有老細熱血課金,這個靚女收到錢後,有丁有地,唔洗透過村委會,直接進貢比地產商,最終唔洗公屋等三年,靚女在1955年11月28日便起了兩間標準課室自用,正式上樓。

這個靚女就是杜葉錫恩,這間帳篷學校,就是慕光中學的前身。可惜的是,杜葉錫恩最後親共,連二十三條都支持。但如果在教育界,杜葉錫恩是值得認同。

慕光之後的故事無力再寫,大家可以看看慕光網頁。

http://www.mukuang.edu.hk/…/201-20…/1313-2014-09-26-07-41-16

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s