一九六一年十二月十三日《五、六十年代最轟動的案件——三狼案》

當日掘屍情況圖片

今日,同大家講下一單當年奇案,呢單奇案果陣真係震動香港,若干年後仲改編成電影,搬上大銀幕。奇案變電影,可能大家會諗起《香港奇案之強姦》五部曲第二集,即係馬神朱茵果套。不過,那套戲掛羊頭賣狗肉,並非以下呢單案咁真有其事──1959-61年的「三狼案」。

你無睇錯,呢單案從發生到破案,足足搞了兩年,而61年的今日,正是案件中關鍵的一天,首位受害者黃應求失蹤兩年,終於在淺水灣發現他條屍。(我不想描述屍體發掘情況,如果想看當日描述,可以看下面的圖。)

黃應求係邊個?佢係當年華人足球總會副會長,老豆係當時出名的巨商黃錫彬。他的大仔更出名,就是「桂神」黃興桂!既然有錢有地位,好不幸地成為左歹徒既目標。1959年,黃應求突然失蹤,屋企人就收到封署名「野狼」的勒索信,連信仲有黃應求血淋淋的耳仔!當時「野狼」勒索五十萬,以今日來講就是天價。不過件事搞大左,雙方交收失敗,「野狼」仲即刻潛埋水!日子一耐,警方斷晒線索,黃家都知道黃應求凶多吉少。

禍不單行,在兩年後,連黃錫彬都比人綁埋,睇到呢度,大家都會合理懷疑係同一班人做。果然,又是「三狼」做的!黃錫彬被綁期間,其中有個犯同佢講,黃應求已經死了。他們綁了黃錫彬兩個幾星期左右,就放番出黎,無穿無爛都無虐打。

先綁個仔,之後綁埋老豆,「三狼」真是惡到顛。不過有時候,真是天網恢恢,在1961年12月,警察係一單深水埗的普通打鬥案中,竟然搵到綁架案疑犯鄧偉明!結果,他爆晒所有野,供出三個同謀(即係三狼)、埋屍地點同另外一單兇殺案。就係咁,一次過破左三單案。

奇事還未完,最後落網的兇徒馬廣燦,是個化妝師,化妝技術出神入化。佢見到同黨比人拉晒,即刻諗住著草。當日佢扮阿伯番屋企執野走,但他只是流於化妝,始終未到喬裝境界。壯男扮阿伯,結果比警方當場踢爆,抓入差館。

呢單三狼案,因為兩個肉參姓黃,所以又叫「雙黃案」。想不到「桂神」平時講波咁詼諧,原來佢係咁慘的!

被害者黃應求圖片

警方將兇手押去警署圖片

當日的地圖。圖片

黃錫彬被擄,剩番架車圖片

黃鍚彬被擄後,警方總動員搵人圖片

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s