一九七○年十二月十日 《比利來港》 (刊於經濟日文化生活網 14/12/2012)

刊登網址:http://blogger.etpress.com.hk/reading_club/?p=2549圖片

美斯剛剛破左世界紀錄,一年入左86球,似乎之後都仲有波入。不過佢啲波場場都凌晨4、5點先踢,真係唔係咁易睇。對球迷黎講,有咩好得過睇直播,就梗係睇現場啦。1970年的今日,可以說是香港球迷「有今生,冇來世」的一日,因為當年球王比利黎左香港踢波,仲梅開二度,現場睇球王入兩球,好過睇86球精華片段啦。

當年香港足總邀請巴西勁旅山度士來港踢四場表演賽,山度士的陣容充滿誠意,一共有五名世界盃選手,包括李奧度、伊度等等,不過講到風頭躉,就一定係3奪世界盃的球王比利。想親眼睇球王踢波,票價分為50、35、25、10蚊,以物價黎講都唔平架,不過都仍然相當賣得,都係o個句啦,有今生,冇來生,貴尐都值得既。

由於實力相差都比較遠,大家都唔預香港會嬴,不過希望欣賞球王球技之餘,都唔好輸得太肉酸,總括而然,打場爭氣波啦。睇番當日報紙,呢場首戰都幾精彩:起初山度士並不急於進攻,先探下港隊虛實,呢段時間雙方都互有攻守;半個鐘之後,山度士隊長突然拍手示意,比利即刻單刀赴會,中路突破之後黎招猛虎射球!網都比佢射穿埋!不過係由網側射穿入網,所以呢球唔算。哇,唔講真係以為自己睇緊足球小將,差在個波冇中框再推埋個龍門入網。

雖然後來山度士掌握局勢,連入四球,其中比利仲一頭一腳包辦兩球,但港隊都唔係完全冇攻勢,而且有一球進帳。下午場25分鐘何耀強右路勁射,門將些加士擋出,盧洪海後上射空門……高出!呢一刻球場應該有幾萬人爆粗。最後港隊由何耀強臨尾入番球破蛋,完場比數1:4,算拎番個尾彩。咦!唔係喎,原來因為呢一球,港隊每個球員仲分多左200蚊奬金,輸都輸得開心啦。

唔知香港球迷幾時再有眼福,可以現場睇球王踢波呢?咩話,美斯係唔係球王?我都係拎番套《綫人》出黎,睇下張家輝點拎影帝好過。

鍾楚紅與比利的廣告: https://www.youtube.com/watch?v=WOGS0-eUtvA

圖片

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s