一九八八年十二月六日 《燒烤叉殺人事件之人性》

圖片

今日有單新聞,話說紐約有個男人被人推落路軌,繼而被車撞死,咁岩《紐約郵報》阿巴西(R. Umar Abbasi)目擊成個過程,仲影低埋死者臨比車撞的一刻,出左篇叫「劫數難逃」的報導,隨即引來網民口誅筆伐,話佢見死不救。比人鬧到狗咁的阿巴西,即刻就自辯話佢趕唔切拉個男人上月台,唯有嘗試用閃光燈向車長打訊號。

其實惻忍之心,有皆有之,不過力不從心,膽細心細,又無得怪人。好似當年1988年今日呢單舊聞——筲箕灣「燒烤叉殺人事件」,兩個明華大廈便利店店員,都有少少阿巴西的處境。

在午夜時份,A,B兩個去便利店買野飲,後面九個男人吊尾而來。失驚無神有九個男人入來,果然無好野:佢地先講口,後動手,兩個打人九個。本來九打二都贏梗,想點玩就點玩,不過真是估唔到玩咁大,係便利店拎到咩就用,又燒烤叉又爆樽,結果一個被爆到重傷,另外一個仲慘,燒烤叉插住頭而死,非常恐怖。

當時,鋪頭入有兩個職員,佢地任由兇徒搗亂,也可能見兇徒太顛,總之他們無即刻報警,等兇徒走晒,佢地先按警鐘報警。原來,當日的警鐘連住CCTV,成個過程就影低了,最後抓到個兇徒。

有人會話,這兩個職員見死不救,任由命案發生。不過從佢地角度去諗,救人啫,唔洗搵命搏的,萬一兇徒顛起上來,就會又多兩隻燒烤叉插係頭到。就算佢兩個都係葉問,似乎都未必可以K.O.TEN 。咁細膽的職員,是岩定錯呢?

阿巴西話佢影相果陣,個兇徒係咁逼近佢。佢一邊褪,一邊撳閃光燈救人架。不過話時話,個兇徒又會咁狼死,推完人又唔著草,仲走埋黎兇佢嘅,驚死人唔知佢係兇手咁?更古怪的是,佢話佢連閃49下燈,點解一張都無兇手的樣嘅?如果我係兇手,我又飲醉酒,你係我面前閃一下燈,相信你果下會係你最後一下燈。

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s