一九七○年十二月四日 〈佢講野,全港一半人都要聽!〉

圖片

今日呢單舊聞,又係發生在大球場,不過今次再唔係咩暴力事件,相反仲係關於愛與和平。 

1970年的今日有位重量級人物旋風式訪港,通常而家聽到「旋風式」呢個字,多數都係講緊大明星來港三日兩夜出SHOW兼順便玩番日,其間總是有唔洗番學的FANS由機場一路追到去酒店。唔知係咪而家傳媒用字越來越唔嚴謹,因為對比當年呢位猛人,啲大明星「旋風式」襲港真是太悠閒。佢淨係得閒來三個鐘,走得仲快過八號風。不過他來三個鐘,已經勁過晒啲國際巨星。那日專登去睇佢的人估計超過五萬,當時香港人口約四百萬,姐係話平均每八十個人,就有一個人出街專登睇佢!如果你喺天主教徒,就更加要知,因為講左咁耐,來的人正是天主教宗保祿六世(Paul VI)。

保祿六世係第一位來過香港的教宗,前無古人,後未有來者,當時佢正在東半球訪問,四出宣揚愛與和平,香港便是佢其中一站。佢來短短幾個鐘做場彌撒,不但大球場爆滿,全香港仲有二百萬人透過電視機和收音機分享福音,真係奧運金牌精英大匯演都冇咁威。即是全港有一半人聽佢講耶穌,吖!是講聖母先真。

羅馬教皇落香港教區,真係一等一大事,政府梗係隆重其事,加上早幾日教皇在菲律賓差啲被人用刀襲擊,今次一於由落機到球場都落足ORDER,警衞森嚴,不過香港人好醒,睇名人有晒佈署,只係在馬場同大球場捕教皇,中間一段路得番警察同鐵馬,除此之外鬼影都冇隻,都幾反高潮。後來唔知係咪教皇都覺得多舊魚,球場內都唔要警察了,得番啲便衣保安睇場。其實教皇德高望重,落區又冇人柴台,唔需要下下出埋啲鐵馬跳馬水馬攔住群眾既。

教皇臨走之前,話香港近幾年各方面進步得好快,仲求上主祝福香港人為公義、和平、繁榮而作的努力,我當然感謝教皇祝福,但話時話,而家咁多年都冇教皇再黎,到底係咩意思先。

圖片圖片

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s